Hilkea (29) will geern unner de Haube..

-

Ehrgüssen is Anna Cronisma in´t Oller van 83 stürven.
Se is neet toletzt daardör bekend worden, dat se sük in
de Jahren 70 besünners för de naar hör nömte Annacronismen
insett har. Unner annern harr se so beireikt, dat de Annacronismusdebaat, de Enn van der Jahren 70 föhrt worden is, free Denken toleet un tominsten Meenen in ´t Vördergrund steet, de vördem neet utproot worden düren. So harr se sük daarvör insett, dat Annacronismen in dat Land tominsten deelwies bestahn bleven düren. Wat för mennig een tovöl was, gung Cronisma abers noch neet wied genoog:
So schreev se in een Breev an hör Süster ´72: " Dat ofbunken van Törf und dat Drinken van Tee [...] is naar Meenen van de Holtkoppen achter de Schrievdischen 200 bit to 300 Jahr to froh. Ik hebb abers neet vör, mi as so´n Sklaav an de Tiedlien to hollen. Well Teedrinken will, de dürt dat in dit Land, daarvör sett ik mi in." Mit Utdrucken as "Anachronismen d´r ut " und "Anachronismus mockt Jo maal" is hör Wark alltied kritiseert worden un hör dat Leven stuur mockt worden.
Naardem se in´t Jahr 74 dat Land verlaten muss, kweem se twee Jahr later al torugg, um wiederhenn "de Tiedlien open to breken" indem Se Flassfelders bewarken leet, um to wiesen, dat ollerwelsk Handwark buten - of net in de Tied - hört, so as Tee.
En Utstellen, de van´d Leven un Wark van Anna Cronisma vertellt, word al vörbereid un sall sük in´t Harvst mit dit Thema befaten.

Runn 7.

Mit sien Anmarken hett de Vörsitter van de aristokratisk Offensiev (aO) verleden Mittweek en groot
Diskussion in´t rullen brocht. Naar Meenen van enkel Lü geiht dat mit de Soziaalstaat to wied. "Immer mehr Minsken trecken in´t Land un kriegen´t ok noch all umsünst. Daar worden Husen un Burdereen baut, man betahlen mutten wi´t", find Hayo ten Guldena. Wiederhenn word dat Heer abers neet över de Stüren
betahlt, dat Geld stüren vörall - naar meenen van de (aO) - alleen de Rieken bi. "Daar word Hannel mit Butenland bedreven, man de Gewinn kummt bloot de to good, de ohnhenn nix hebben. För Tee un Tafelsülver blievt faak nix över. Kunn man sük fröher in´t Dörschnitt twee bi´t dree Husangestellten leisten, hett nu tominsten een van de Husangestellten een eegen Moorkaat.
"Dat word denn ´Bedreev´ nömt, um de Freeheid van de Minsken to unnerstrieken. In Wahrheid mutten wi dat bistüren, wat de Regeeren neet upbrengen kann: Geld", unnerstriekt Hilma van Sülveren- Markema un betwiefelt, wo dat mit de Landstreek wieder geiht, wenn de arm Lü immer rieker worden.

Van Sieden van de Regeeren word daar abers neet över naardocht, de Stürdracht naar baben to schruven, ok wenn all över proot worden is, binnen de tokomen dree Jahren de Kornversörgen intogrenzen. Oftowachten blievt,
of dat dor to bidragt, de verscheden Grupperen in´t Land tosommen to brengen..

___________________________________________

Hayo ten Guldena in´t Gesprek över de (aO)

de Tied: "Geachte Herr Guldena, kunnen Ji us e´m verklaren, waarför de (aO) steiht?"
Guldena: "Ja, seker. Ik will dat kört so tosammen faten: Wi setten us daarför in, dat de Rieken ok riek blieven kunnen. Daarto hebben sük een Paar van de Adligen tosommen sett un beprot, wo wi de Tokunfst in dit Landje bewarken kunnen."
de Tied: "Wat stört Jo denn besünners, waar versöken Ji tegen an to gahn, wat willen Ji bereiken?"

Guldena:"Daar is seker een heel Bült, wat so gebört un wi beanstannen kunnen, abers wi hebben us vörall tosammen schlotten um sehn to laten, dat wi us neet so licht tofree geven. Ik dür daar man een Punkt nömen. Noch vör twee Jahr hett mi dat Stückje Holt daar (wiest up de Achtergrund) heel allenig hört. Vandaag sitten daar Lü in to Holt hacken, aber de Profit, kasseeren Se sülvst.
de Tied: "Wo willen Ji denn marken laten, dat hier in Laandstreek wat verkehrt löpt?"
Guldena:" Ik will noch gau unnerstrieken, dat wi neet tegen de Reegeren bünt, abers doch sehn laten, da wi in disse Utmaat kien Verännern willen. So hett dat noch nooit west, un ik kunn daar hunnert Bispillen her halen. Wi bünt tegen gewisse Saken un daarför gahn wi anner Week up´d Straat."
de Tied: "Besten Dank vör dit Gesprek"



_____________________________________________

plattdütsch (oostfreesk plattdütsk)
schriev e´m an: Wuebbo@sofamensch.de
_______________________________________________
www.Ostfrieslandspiel.de