Runn 6.

Teepries fallt up stünds andaal

Onna Behrends un Thiele Bünting van de "Hoogschool för Wertskupp- Tee, Beer un Genever (STBG)“ hebben rutfunnen, dat de Teepries up´d Markt na een origen Gesetz up stünds daal fallt un denn so tomaal weer anstiegt:
Man ha immer meent, dat de Marktpriesen för Tee tofällig dörnanner komen of dat Butenlänners un Seeräubers de Markt dör Spökenkiekeree unnerster- boven brengen, sodat neet immer all gifft, wat brukt word. „Un dar hebben wi nu rutfunnen, dat dat heel anners löpt: ", vertellt Thiele Bünting, “wenn ´n bült Lü kopen, gifft bi de Händlers neet so völ Tee as brukt word. Denn betalen de Lü freewillig mehr Geld um de Resten uptokopen. Dat hebben de Marktlü spitz kregen: Se verkopen hörs Reev so tomaal dürder. Later hett denn weer kieneen Geld, Tee to kopen.“ „Un denn mutt de Händler sien Tüüg weer billigst ofstöten, anners köfft dat kienen; dat hett, as wi nu löven, mit Angebood un Nafraag to don“, weet sien Fro Onna Behrends.
Disse neje Weten sall besünners de Regeeren helpen, de Versörgen van de Inwohners mit Tee to verbetern. Man will nu reguleerend ingriepen un bloot Tee kopen, wenn´t billiger is, mit de Utsicht, dat de Priesen denn later weer nor baben scheeten.
Besünners blied is man, dat ok up anner Kant een bült Geld spaart worden kann: Man brukt nu neet mehr so faken Lü to verbrannen, de beschuldigt sünd Hexeree to bedrieven.
"Dat spaart een heiden Geld vör Brannholt, wat wi good anners för bruken könen", grient Rewert Brandes tofree, "Bispillen gifft dat genoog."

För hör Wark worden Onna Behrends un hörs Mann Thiele Bünting tokommen Saterdag mit de „Wetenskuppspries Ubbo Emmius“ uttekend worden.

Jos Meenen:

	Ik lees focken "De Tied"
	Ik lees of un to "De Tied"
Wies mi dat! Anleggt van wuebbo am 2003.11.29, 20:07.

Runn 5. Mainhaaf röpt all Buren, de hörs Deenst an´t Vaderland ofleisten willen, up sük bi de örtliche
Söldnerföhrer to melden. Elk Freewillig sall een goden Utbilden un jede Dag een warmen Mahltied mit Tee un genoog Kruiden kriegen.
Elk Miliz ut elk Loog sall „van nu up gliek..“, so Lübbe Lübbers, "..Förk bi Foot" stahn können.
Um dat Land to sekern hett de Gemmeend all 129 Freewilligen utrüst, de hörs Deenst sied vandaag mestall för Upgaaven naast de Grens ofleisten sallen un in Upgant-Schott utbildt worden. Tjado Tjaden
un Riekus Tebben hebben vandaag Deenst

Runn 5.
"Nu weten wi´t wiss: de willen Arger,“

sall Wübbo Wübbena bölkt hebben, as he mitdeelt kreeg, dat de drieste Emders hörs Mannen an de Grens vör de Leezdörper Husdör tosommentrecken un een Törm uptrecken. Man is dorvan övertücht, dat de Emders mit hör „nümich- utrüst Burenklöten“ (Heino Heinen, OBF) versöken willen, anner Landen van dor ut antogriepen.
Mainhaaf stürt nu binnen een Dag Söldners na de Grens, um de Laag gau unner Kuntrull to kriegen un de Landstreek naast de Grens van Emders un Krummhörners free to hollen. Harm Harms
is leep düll.

Brookmerlänners verunsekert

Runn 5.
Schandarms sünd dör een Spion, de se fastsett hebben, gewahr worden, dat de Emders weer Buren intrecken un de Sekerheid in Fraag stellen.
„Wi sünd verunsekert“, meent de Mundproter van Wübbo Wübbena un meent, man will de Laag in´d Oog behollen. Wenn nödig, sall de Wehrplicht weer inföhrt worden, so de Proter van´t Ministerium för Haueree.

Freedag, Runn 3.

Um de Landwertskupp to beter Ansehn to verhelpen un de Versörgen van de Brookmerlänners to sekern, helpt de Regeeren in Mainhaaf de Burderee up´d Been.
Net so as in Upgant worden nu ok in anner Dörpen neje Burenhoffen anleggt.
„In de letzte Tied sünd ´n bült Lü totrucken,“
markt Burmeester Janßen an, “sodat de Versörgungslaag host al stuur weer.“ Na Utkunfst van de Gemeend sünd bi´t vandaag al dree Husen mit genögend Ackerland umto mürt worden. Up de neje Felders dürt na Meenen van de Regeerung in Mainhaaf ok Flachs anbaut worden, dat för Doken un later ok för Kleer brukt word.

Freedag, Runn 3.

„Wi sünd blied, dat wi weer wat to doon hebben”, versekert Bonno Tjaden, Söldner ut Loga.
Um de Straten in´t Stad weer seker to kriegen, ha de Vereen „Landskupp un Schandarms“ de Andraag dörbrocht, dat de Regeeren sied vandaag de Sold för de Söldners upstockt un eenich Söldners weer fast anstellt, sodat Mainhaaf gliek eenich Suldaten hürt hett.

Eegen Tichel brant

Runn 3.
Störtebekers Mannen unner to brengen is de Upgaav, de Baumeesters ut heel Oostfreeland tosommen brengt. Se willen mit Hülp van de Upganter Gemeend een nejen, roden Törn hensetten, de daarto ok noch moi utsücht.
Störtebeker, de in´t Deensten van ´t Brookmerland steiht, sall daar later mit sien Lü intrecken.
„De Tichel brannen wi sülmst, hier in´t Loog“, versekert Mürmann Reents un spölt up de neje Tichelee an, de eegens för disse bedüdend Projekt hör Wark upnommen hett.
Van de twintig Meter hooge Törn hett man Utblick över de heel Landstreek, de naast de Grens, in´t Uttusch för de Unnerbrengen, van Störtebekers Lü överkeken word.

Mittweek, 18.11. Spöl 31.

Oostfreesland deelt sük in männich Deelen up, de all free un unofhängig sünd.
Elk Gemeend het hörs Hovetling, de dat Land regeert un keeneen anners verpflichtet sünd as Gott sülmst.
Jede teinte Runn finnen sük de Hovetlingen, as se nömt worden, an de Upstalsboom bi Auerk tosommen un hollen Raat. Se willen Oostfreesland un de Freesen vöran brengen un versekern, dat dat lüttje Land an de Nördsee free van Krieg, Schmacht un Oldenbörgers blifft.

"Wi hebben Halswark full to doon", meent Harm Harms, Mundproter van Wübbo Wübbena, "un willen dat Best geven, mit uns Naarbars ut to kommen".
He spölt up de Emders an, de in de vergangen Tied immer weer för Schandaal sörgt hebben.
"Hoofdsaak is, dat de Utländers sük ut uns moje Land ruthollen", unnerstriekt Harms, " un Buderee mutt ok stönt worden, dat wi alltied Eten hebben."
Harms wiest düdlik, dat dat Programm vör der Tokunsft tominst in Mainhaaf al fast steiht un verwiest dorbi up een Barg van Arbeid, de männich een sük in Reegerung vörnommen hett. Kort: Oostfreesland vandaag

Mitweek, 18.11. Spöl 31.

Hovetling Wübbo Wübbena betreckt sien neje Börg, Börg Wübboswehr.
Sied vandaag övernimmt he dat moje Brookmerland un reegertvan Mainhaaf ut de heele Kuntrei.
Wübbo is nu
een van twalf Hovetlingen, de Oostfreesland to´t glieke Deel unner sük updeelen. Börg Wübboswehr naast Mainhaaf